la .lojban.

le se pixra

ni’o ko’a goi la’oi .MOUTHWASHJUKEBOXGASOLINE. cu pixra le nu ga je la .vynk. noi ke’a se dalremnei la .varik. cu zutse bu’u lo me’oi .dingy. ke co’e ja bo ckafi zarci je cu flira cusku pe’a lo jai .indika be lo du’u co’e ja cfipu kei je cu dasni le smoka poi ke’a pixra le lanci be le ka ce’u tonsi ku’o je cu pilno le skami poi ku’i frili cumki fa lo nu muvgau pe’a je cu se batke lo barda lo nu jgari je muvgau pe’a… je poi cumki fa lo nu zo’oi .LUGGABLE. mapti tu’a ke’a je poi ke’a zvati ko’a goi le jubme gi ga je le kabri be loi kafxu’i se pinxe cu zvati ko’a gi trixe la .vynk. fa le kumfa bitmu noi ke’a pixra lo velcki be lo se dicyji’o ku’o je le jubme je le stizu je le bolci je te gusni poi dandu fi ke’a fa le jimsko je ke jai filri’a be lo nu pilno loi dikca… ku’o je lo no xadni be lo prenu
.i co’e ja lenjo le zunle je kanla be la .vynk. .i cmalu fa le se lenjo .i norzilyle’o fa zo’e je le trixe

le krinu

ni’o la .varik. cu zbasu ko’a ki’u zo’e joi tu’a lo ku’irni masti… lu’u je le su’u vo’a noi ke’a cmacypre jenai cu ta’e sampla cu tolsti lo pu’u vo’a cilre fi la’o zoi. RISC-V .zoi.
.i ji’a smuni fi la .varik. fe le su’u pixra lo xadni be lo no na du be la .vynk.
.i ji’a smuni fi la .varik. fe le flira se cusku pe’a noi vo’i jinvi le du’u cumki fa lo nu zo’oi .wistful. mapti ke’a .i la .varik. cu zu’edji lo ka ce’u terxra lo nu me’oi .wistful.
.i ji’a la .varik. ku ci’au .ui re’e le su’u ri co’e ja re’enje cinmo ju’e le su’u vo’a ka’e me’oi .wistful.
.i ku’i su’o da poi ke’a smuni ko’a la .varik. zo’u la .varik. na birti lo du’u ma kau zabna lo ka ce’u jimpe velcki ke’a .i ku’i la .varik. cu jinvi ga naje le du’u sarcu fa lo nu ciksi fo lo te gerna gi le du’u lo re’enje ja cinmo se zbasu cu zmadu lo bangu co’e… kei je le du’u lo co’e ja metfo cu jai cumki

.i la .varik. na jinvi le du’u le sidbo be ko’a cu jalge lo nu vo’a troci .i la .varik. cu morji le du’u vo’a facki tu’a le sidbo ca lo nu vo’a na pensi tu’a lo se xraci’a be vo’a

.i la .varik. cu jinvi ja krici le du’u ko’a re’enje ja cinmo se zbasu

tu’a lo ku’irni masti

ni’o ko’a srana lo ku’irni masti ni’i zo’e joi le su’u ko’a pixra le nu la .vynk. cu se dasni le smoka co lanci be le ka ce’u tonsi .i zdile la .varik. fa le su’u ko’e goi le xadni be la .vynk. cu smimlu le lanci be le ka ce’u nonlingeni .i ku’i ko’e na smimlu le lanci be le ka ce’u tonsi

.i ji’a la .varik. cu se xajmi lo su’u jinvi ko’e goi lo du’u lo so’i skami ja cmaci prenu cu ku’irni .i la .varik. cu kucli lo du’u ma kau rinka tu’a ko’e… kei va’o tu’a lo nu ko’e jetnu .i ku’i la .varik. cu jinvi le du’u cumki fa lo nu xajmi vo’a ki’u zo’e joi le su’u vo’a tonsi je cu cmacypre… je cu kelci lo skami

.i ji’a le lanci be le ka ce’u tonsi cu jai mojri’a la .varik. tu’a le si’o me’oi .CGA. pixra

tu’a la’o zoi. RISC-V .zoi.

ni’o ko’a srana ko’e goi la’o zoi. RISC-V .zoi. ni’i zo’e joi le su’u ko’a srana le su’u ko’e jai zdile cfipu la .varik. kei kei joi le su’u cumki fa lo nu sruma lo du’u ko’a pixra lo nu la .vynk. cu ciksi bau lo rucyca’a bangu pe ko’e

.i lo pagbu be le mu moi be lo’i masti pe lo re no re xa moi cu nu la .varik. ku tolsti lo pu’u ri cilre fi ko’e .i krinu la’e di’u fa zo’e joi le su’u la .varik. ku kucli lo du’u xu kau ri kakne tu’a lo rucyca’a bangu pe ko’e kei je lo du’u xu kau frili cumki fa lo nu la .varik. cu zbasu lo me’oi .demo… kei kei je lo du’u xu kau ko’e jai cinri la .varik. .i le pa moi be ko’i goi lo’i djedi poi ke’a co’e je cu se pagbu lo nu la .varik. cu mapti junri tadni tu’a ko’e cu se pagbu lo nu la .varik. ku facki le du’u ri se zdile tu’a ko’e lu’u noi ke’a na fadni la .varik. noi ke’a cmacypre jenai cu ta’e sampla
.i ku’i la .varik. na prane le ka ko’e cizra ce’u .i la .varik. cu morji le du’u le pa moi be ko’i be’o fa’u le re moi be ko’i cu se pagbu lo nu vo’a ciksi lo pu’u facki lo du’u ma kau me’oi .bit. fatne kei kei kei fa’u lo nu la .varik. cu ciksi lo pu’u facki lo du’u frili cumki fa lo pilno ma kau poi ke’a pagbu lo me’oi .heap… kei noi vo’a jinvi le du’u cumki fa lo nu lo tcidu cu ci’au .ue nai le su’u ke’a na mutce le ka ce’u pluja

.i ku’i ko’e jai zdile cfipu la .varik. .i cafne fa lo nu la .varik. ku tolmo’i lo du’u ri pilno lo me’oi .register. ma kau .i ku’i la .varik. cu jinvi le du’u lo pinka cu jai filri’a lo nu morji .i cumki fa lo nu sruma lo du’u ko’a pixra lo nu la .vynk. cu ciksi bau lo rucyca’a bangu pe ko’e je cu se cfipu zo’e ja tu’a lo me’oi .register… lu’u ja lo du’u cadga fa lo nu ciksi lo tarmi lo skami ma kau

.i la .varik. cu jinvi ga je le du’u lo rucyca’a bangu cu jai filri’a lo nu pilno lo cmalu je skami poi co’e ja frili fa lo nu posystizu’e ke’a gi ga je le du’u na sarcu fa lo nu posystizu’e gi le du’u lo skami cu jai filri’a lo so’i zabna je vrude noi mupli tu’a ke’a fa lo nu re’enje ja cinmo se zbasu .i ku’i la .varik. cu jinvi ja krici le du’u so’i da zo’u frili cumki fa lo nu da jai nu re’enje ja cinmo se zbasu

.i la .varik. cu nelci le su’u lo rucyca’a bangu cu jai filri’a lo nu na’e posystizu’e je ke prami pilno lo cmalu skami

le se pilno be fi lo pu’u terxra

ni’o ko’a smimlu lo su’o ci se xraci’a be la .varik. le ka la .varik. cu pilno la’oi .Blender. je la’oi .Krita. je la’oi .GIMP. tu’a ce’u

la’oi .Blender.

ni’o la .varik. cu pilno la’oi .Blender. tu’a le tsautu je le trixe je le jubme je zo’e .i la .varik. cu nelci le su’u la’oi .Blender. cu jai filri’a lo me’oi .perspective. co’e noi ke’a co’e ja nandu vo’a… ku’o je lo nu facki lo du’u xu kau zvati lo jai racli .i ji’a lo calsamxra cu zamdu lo se xraci’a le ka la .varik. ku sutra lo nu ri facki lo du’u xu kau ri nelci lo sidbo pe ce’u

.i la .varik. ku jinvi le du’u ri pilno le ci calsamxra pixra tu’a ko’a kei je ko’e goi le du’u ro da poi ke’a calsamxra pixra je cu se pilno la .varik. tu’a ko’a zo’u ro de poi ke’a cmima ko’e goi ga ce zo’e joi le skami joi le jubme joi le kabri gi ga ce le xadni be la .vynk. gi zo’e joi le trixe be le xadni be la .vynk. zo’u da srana lo su’o cmima be de be’o je lo no du be ri naje ke cmima be de .i krinu tu’a ko’e fa zo’e joi le su’u la .varik. cu jinvi le du’u tu’a ko’e filri’a lo me’oi .depth. co’e

.i la .varik. cu pilno la’oi .ZPAQFRANZ. lo nu vo’a morji fi le so so versiio be le me’oi .Blender. datnyvei pe ke’a ge’u noi lo versiio be ke’a be’o poi pilno ke’a tu’a ko’a cu baitni li re bi re pa pa mu re no .i krinu la’e di’u fa ga joi zo’e gi ga joi le su’u cafne fa lo nu la .varik. na birti lo du’u xu kau lo me’oi .Blender. datnyvei cu dukse le ka ce’u pluja gi le su’u la .varik. cu djica lo nu lo me’oi .Git. datnyvei pe’a pe lo se xraci’a be la .varik. na dukse le ka ce’u barda

.i la .varik. cu radji’i le du’u vo’a se cfipu tu’a lo so’i pagbu be la’oi .Blender. be’o noi mupli tu’a ke’a fa la’o glibau. Curve to Tube .glibau… noi vo’a na birti lo du’u ma kau jai filri’a lo nu mu’oi glibau. UV map .glibau. co’e ke’a xi re

la’oi .Krita.

ni’o la .varik. cu pilno la’oi .Krita. zo’e je tu’a lei kerfa be la .vynk. lu’u je tu’a le smoka lu’u je lo nu xagzengau pe’a le pixra be le xadni be la .vynk.

.i le pu’u la .varik. cu xraci’a le pixra be zo’e je loi kerfa cu smimlu le pu’u la .varik. cu terxra zo’e je loi kerfa kei po ko’e goi la’o glibau. STRANGERSTRANGER .glibau. noi ke’a lidne ko’a .i ku’i la .varik. cu jinvi le du’u ko’a zmadu ko’e le ka ce’u jai filri’a lo nu facki lo du’u xu kau nelci le tadji be lo pu’u terxra loi kerfa
.i la .varik. ku radji’i le du’u ri na birti lo du’u xu kau zabna le ka ce’u pixra loi kerfa pe le torso be la .vynk.

.i la .varik. cu zu’edji lo ka ce’u pilno lo pa xa me’oi .bit. tu’a lo vidnysle… kei je ku’i cu facki le du’u pilno lo bi me’oi .bit. tu’a lo vidnysle kei ba lo nu vo’a xraci’a lo pixra be lo cmalu kerfa

.i la .varik. cu pilno la’oi .Git. lo nu vo’a morji fi lo su’o mu xa versiio be ko’e goi lo me’oi .Krita. datnyvei pe ko’a… be’o noi vo’a jinvi le du’u le versiio be ke’a be’o poi pilno ke’a tu’a ko’a cu baitni li mu ci re vo bi ci ze vo je cu se pagbu le vo bi pixra

la’oi .GIMP.

ni’o la .varik. cu pilno la’oi .GIMP. tu’a le me’oi .blur. pixra be le xadni be la .vynk. .i la .varik. cu nelci le su’u la’o glibau. Lens Blur .glibau. poi ke’a me’oi .GIMP. tutci cu jai filri’a lo nu pilno lo pixra lo nu cusku lo pe’a se du’u djica lo nu ma kau ni norzilyle’o

le vrici

le plijaspu

ni’o la’oi .Unlicense. plijaspu ko’a

tu’a lo cfila

ni’o la .varik. cu curmi lo nu cusku lo se du’u ma kau cfila ko’a .i ga je la .varik. cu vilco lo ka ce’u zenba lo ka ce’u xi re ka’e zbasu lo zabna… je ku’i ke mapti be tu’a ce’u gi cfari fa lo nu la .varik. ku mojrinfli lo nu ri terxra lo pagbu ja cu terxra fi lo tolmapti

lo du’u xu kau jimpe

ni’o la .varik. cu kucli lo du’u xu kau lo prenu jenai ke :du be vo’a cu jimpe fi le smuni be ko’a bei fe vo’a be’o noi vo’a na birti lo du’u xu kau ke’a li’armi lo prenu jenai ke du be vo’a .i ku’i la .varik. cu jinvi le du’u na nabmi fa lo nu na jimpe fa lo prenu jenai du be vo’a

lo su’u tcidu

ni’o xajmi la .varik. fa tu’a lo nu lo prenu cu tcidu dei kei noi ke’a na sarcu

English

The Scene

“MOUTHWASHJUKEBOXGASOLINE”, which is hereinafter denoted by “$M$”, depicts that (VUNC, which is the fursona of VARIK, sits in a dingy (coffe shop or something)), that (the face of VUNC indicates that VUNC is confused/whatever), that (VUNC wears transgender flag socks and uses a compuer which is feasibly moved and has a handle which is large), that (the computer and a cup of caffeine liquid are on the desk which is used by VUNC), and that (behind the body of VUNC are walls (which depict definitions/explanations/schematics of electrical circuits), tables, chairs, and spherical lights $l$ such that cables which facilitate using electricity dangle from $l$). A thing which is possible is that “LUGGABLE” applies to the computer which is depicted. The body of no prenu is in the background.
The camera focus or whatever is the left eye of VUNC. The depth of field is shallow. The background and whatnot are out of focus.

The Justification

The reason for creating $M$ is relevant to Pride Month… and that VARIK, which is a mathematician and is not a computer programmer, begins the process of learning about RISC-V.
Additionally, a thing which is meaningful to VARIK is that the body of no thing which is not VUNC is depicted.
Additionally, a the facial expression of VUNC is meaningful to VARIK. VARIK opines that a thing which is possible is that “wistful” applies to the facial expression. VARIK intends to depict being wistful.
Additionally, VARIK experiences spiritual joy about that (VARIK spiritually/whatever-ly feels). VARIK is glad about that (VARIK is capable of being wistful).
But some meaning (of $M$) (to VARIK) $s$ exists such that VARIK is not certain about an explanation of $s$ which rocks. But VARIK does not opine that linguistically defining stuff is necessary. Additionally, VARIK opnes that (art exceeds linguistic stuff)… and that using metaphors is possible.

VARIK does not opine that the idea of $M$ is a result of an event of attempting. VARIK remembers that that (VARIK discovers the idea) is contemporaneous with that (VARIK does not think about drawings which are created by VARIK).

VARIK opines that $M$ is art.

Pride Month

$M$ is relevant to Pride Month; $M$ depicts that VUNC wears transgender flag socks.
A thing which amuses VARIK is that the body of VUNC resembles the agender flag. But the body of VUNC does not resemble the transgender flag.

Additionally, VARIK is amused by topining that many computer/mathematics prenu are queer. VARIK is (under that the thing is true) curious about the reason. But VARIK opines that a thing which is possible is that the reason for being amused is relevant to that (VARIK is transgender, is a mathematician, and plays with computers).

Additionally, the transgender flag reminds (about CGA graphics) VARIK.

RISC-V

$M$ is relevant to RISC-V; $M$ is relevant to that (VARIK is entertainedly confused by RISC-V) and that (a thing which is possible is assuming that $M$ depicts that VUNC defines via RISC-V assembly).

A part of the 5th month of 2026 is an event of that VARIK begins the process of learning about RISC-V. The justification of learning is relevant to that (VARIK is curious (about whether VARIK is capable of doing assembly stuff), is curious (about whether creating a demo is feasible for VARIK), and is curious about whether RISC-V is interesting for VARIK). The 1st day (of that VARIK appropriately seriously studies RISC-V) “has” an event of that VARIK discovers that VARIK is entertained by RISC-V, which is unfamiliar to VARIK, which is a mathematician and is not a computer programmer.
But VARIK is not perfectly unfamiliar with RISC-V. VARIK remembers that the 1st day of appropriately seriously learning “has” an event (of that VARIK defines the process of bit reversal) and an event of that VARIK defines a memory allocator. VARIK opines that a thing which is possible is that the prenu which reads the current sentence is unsurprised about that (the memory allocator is not extremely complex).

But VARIK is entertainedly confused by RISC-V. A thing which is frequent is that VARIK forgets about the purposes of the registers which are used by VARIK. But VARIK opines that comments facilitate remembering. A thing which is possible is assuming that $M$ depicts that VUNC defines via RISC-V assembly and is confused about register stuff… or about data shapes which are appropriate.

VARIK opines that (assembly language facilitates using small computers which are easily/whatever-ly discarded), that (discarding stuff is not necessary), and that computers facilitate many things (which rock and are virtuous) (which are exemplified by events of doing art). But VARIK opines/believes that many things $x$ exist such that a thing which is feasible is using (for art stuff) $x$.

VARIK likes that assembly language facilitates that small computers are not discarded and are lovingly used.

Tools which are Used for Creating the Image

$M$ resembles (in that Blender, Krita, and GIMP are used for creating) at-least-3 images which are created by VARIK.

Blender

VARIK uses (for the sketch, the background, the table, and whatnot) Blender. VARIK likes that Blender facilitates perspective stuff (which is difficult/whatever for VARIK) and discovering whether the locations of objects are rational/reasonable. Additionally, 3D models exceed drawings in that VARIK is fast in discovering whether VARIK likes the design ideas.

VARIK opines that (VARIK uses (for $M$) 3 renders) and that (for all renders (which are used for $M$) $x$, if “$S$” denotes the set which consists of the computer-and-table-and-whatnot, the body of VUNC, and the background, then $x$ is relevant to exactly-1 element of $S$). The reason for using multiple renders is relevant to that (VARIK opines that using multiple layers facilitates depth stuff).

VARIK uses (for remembering about 99 versions of the Blender file which is used for $M$) ZPAQFRANZ. 28211529 is the byte-based size of the version (of the Blender file) which is used for $M$. The justification of using ZPAQFRANZ is relevant to that (a thing which is frequent is that VARIK is not certain about whether the Blender files which are used by VARIK are excessively complex) and that (VARIK desires that the Git repository which is used by VARIK and for drawings is not excessively large).

VARIK admits that VARIK is confused by many parts of Blender. An example of a part of Blender which confuses VARIK is Curve to Tube. VARIK is not certain about a method (of UV-mapping the Curve to Tube result) which rocks by the standard of VARIK.

Krita

VARIK uses (for fur stuff, for the socks, and for “improving” the depiction of the body of VUNC) Krita.

The process of drawing the fur and whatnot resembles the process of drawing the fur and whatnot of “STRANGERSTRANGER”, which precedes $M$. But VARIK opines that $M$ exceeds (in facilitating determining whether the method of drawing fur is liked) “STRANGERSTRANGER”.
VARIK admits that VARIK is not certain about whether the depiction of the fur of the torso of VUNC is great.

VARIK intends that VARIK uses (for the pixels) 16-bit precision. But that (VARIK draws the small fur) precedes that VARIK discovers that VARIK uses 8-bit precision.

VARIK uses (for remembering about 56 versions of the Krita file of $M$) Git. VARIK opines that (3248374 is the byte-based size of the version of the Krita file which is used for $M$) and that the Krita file “contains” 48 layers.

GIMP

VARIK uses (for blurring the depiction of the body of VUNC) GIMP. VARIK likes that Lens Blur, which is a GIMP tool, facilitates using (for indicating desired extents of blurring) layers.

The Miscellaneous

The Licence

The Unlicence is the licence of $M$.

Flaws

VARIK welcomes describing the flaws of $M$. VARIK is willing for increasing in being capable of creating stuff which rocks… and is appropriate to VARIK. Additionally, a thing which happens is that VARIK forgets to draw some parts of images or draws stuff which is inappropriate/incompatible/bogus.

Whether the Thing is Understood

VARIK is curious about whether prenu which are not VARIK understand about the meaning (to VARIK) of $M$. VARIK is not certain about whether the meaning is obvious for prenu which are not VARIK. But VARIK opines that that (prenu which are not VARIK do not understand) is not a problem.

Reading

That (some prenu reads the thing) amuses VARIK. Reading the thing is not necessary.